Tozalik- sayyoramiz salomatligining kalitidir!
MTO texnologiyasi asosidagi gaz-kimyo majmuasi (keyingi o‘rinlarda — GKM MTO) ko‘ngillilari Tabiiy resurslar vazirligi va Buxoro viloyati Madaniy meros boshqarmasi ko‘magida Butunjahon atrof-muhitni muhofaza qilish kuni munosabati bilan o‘tkazilgan bayram tadbirlarida faol ishtirok etib, katta Toshkent viloyatining Bo‘stonliq tumanidagi Chorvoq suv ombori yaqinidagi maydonlarni, shuningdek, Buxoro viloyatidagi “Qadimiy Paykent” tarixiy obida —manzilgohida tozalik ishlarini olib bordilar.
2023 yil 4 va 5 iyun kunlari GKM MTO Ekologik, ijtimoiy va korporativ boshqaruv departamenti (ESG) tomonidan o‘tkazilgan aksiyalar, o‘z bayroqlari ostida Kompaniyaning Toshkent shahrida joylashgan boshqaruv departamentidan bir necha o‘nlab odamlarni va bevosita O‘zbekiston Respublikasi, Buxoro viloyati, Qorako‘l tumanidagi kompleks qurilish ob’ektida ishlaydigan xodimlarni jamladi.
Atrof-muhitning maishiy chiqindilar bilan ifloslanishi masalasi O’zbekiston Respublikasi fuqarolari va mehmonlarining sevimli dam olish maskanlari bo’lgan aksiya o’tkaziladigan joylar uchun ayniqsa dolzarbdir va shuning uchun ham ko’pincha haddan tashqari ko’p chiqindi va uni yig’ish uchun joylar yetishmasligidan aziyat chekadi.
Faqat ikki kun ichida GKM MTO ko’ngillilari yuz kilogrammdan ortiq plastmassa, qog’oz, metall va shisha yig’dilar. O‘zbekiston Respublikasi Tabiiy resurslar vazirligi tomonidan ajratilgan ixtisoslashtirilgan avtomashinalar orqali barcha chiqindilar utilizatsiya qilindi va yig‘ilgan qayta ishlanadigan materiallar qayta ishlashga jo‘natildi.
GKM MTO ESG departamenti vakili Artem Ushakovning so’zlariga ko’ra, “Bunday bir martalik harakatlar, albatta, ekologik vaziyatga ijobiy ta’sir ko’rsatadi, lekin biz bu faqat vaqtinchalik yechim ekanligini yodda tutishimiz kerak”, deydi. Tabiatga diqqatli munosabatda bo‘lish, chiqindilarni iloji boricha tez yoq qilinishi, ularni saralash va qayta ishlash uchun qo‘limizdan kelgancha harakat qilishimiz zarur. Bugun bizning atrof-muhitga qanday munosabatda bo‘lishimiz nafaqat bizning hayotimiz, balki farzandlarimiz va nabiralarimizning kelajagini ham shakllantiradi.
MTO texnologiyasi asosidagi gaz-kimyo majmuasi jamoasi faoliyatida ko‘rsatgan yordamlari, shuningdek, ekologik vaziyatni yaxshilash bo‘yicha milliy va xalqaro dasturlarni eng samarali amalga oshirishga qaratilgan muntazam ko’magi uchun Tabiiy resurslar vazirligiga samimiy minnatdorchiligini bildiradi..
Butunjahon atrof-muhit kuni haqida
Butunjahon atrof-muhit kuni — BMTning Atrof-muhit bo’yicha dasturi (UNEP) tomonidan sayyoramizning ekologik muammolari haqida odamlarning xabardorligini oshirish va ma’rifat berish uchun har yili o’tkaziladigan xalqaro tadbirdir.
MTO GAZ-KIMYO MAJMUASI HAQIDA
MTO texnologiyasiga asoslangan gaz-kimyo majmuasi O‘zbekistonda polimer xomashyosi bo‘yicha yillik mahsulot hajmi 1 million 100 ming tonnadan ortiq bo’lgan eng yirik ishlab chiqaruvchilardan bo‘ladi..
Loyiha strategiyasi eng yaxshi mavjud texnologiyalar va uskunalardan foydalangan holda atrof-muhitga salbiy ta’sirni minimal amaliy darajaga kamaytirishni ta’minlaydi.
Xalqaro maslahatchi Mott MakDonald, xozirda muvaffaqiyatli amalga oshirilayotgan loyihaning atrof-muhit va ijtimoiy ta’sirini baholash va ta’sirni yumshatish bo’yicha taklif qilingan chora-tadbirlarni baholash bilan shug’ullandi.
GKM MTO da amalga oshirilgan ijtimoiy va ekologik amaliyotlar rivojlanish bo’yicha xalqaro moliya institutlari, jumladan Jahon banki va Evropa tiklanish va taraqqiyot banki standartlariga mos keladi.